)
*******
1)
علشان انا حرة.. مش من حق حد يشوف مني اللي مش عاوزاه يشوفه إلا بإرادتي.. ومن حقي اختار مين اللي يشوف مني أجمل ما عندي.. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر
*******
2)
علشان أنا غالية.. مينفعش أقلل من قيمة نفسي واخليها عرضة لكل العيون.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني.. حتى لو مكنش ده قصدي.. بس مش حقدر امنعه.. كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض.. مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع.. ده يتضمن حتي الزبال اللي بيسوق عربية الزبالة في الشارع.. كل دول بقى من الممكن انهم يبصوا لي.. لأ ده كمان يمكن ماعجبهمش ويدوروا وشهم إعراضاً
*******
3)
علشان أنا باحترم نفسي.. وشايفة نفسي كبيرة قدام نفسي.. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية
*******
4)
علشان انا جمالي مش خارجي وبس.. ومن حقي ان اللي ييجي يتجوزني.. واللي حاديله الباقي من عمري.. واللي حديله كل مشاعري.. واللي حاقاسمه أحلامي وأفكاري.. واللي حخلف منه ولادي.. وح اربيهم معاه.. مايختارنيش على مقاييس شكلية وبس.. أو تبقى هي دي العامل الأساسي في أختياره ليا.. علشان كدة مش ضروري يشوفني في كامل زينتي وجمالي قبل ما ي! تجوزني.. الأهم انه يحب روحي ويعجب بشخصيتي.. ويرتاح معايا نفسياً.. أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده.. واللي اختارها علشان جمالها.. ممكن قوي يتجوز عليها واحدة أجمل منها.. لأنه أكيد في الأجمل منها يعني
*******
5)
علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع.. ويمكن يكون عاوز يقرب من ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني افتنه
*******
6
*******
7
*******)
الأسباب اللي فوق دي.. هي اللي فهمتني ليه ربنا فرض علينا الحجاب.. مش تعسير ولا تضييق.. الحجاب فعلا عزة وكرامة.. ميعرفهاش غير اللي داق طعم الستر
ربنا يهدينا ويهدي بنات وشباب المسلمين
أضف تعليقا
من الأردن
أخي الفاضل
بوركت على المقال المتميز..
نسأل الله ان يهدي جميع البنات والشباب الى مايحب ويرضى
جميل الالتزام بالحجاب ولكن الاجمل هو ارتدائه عن قناعة فنحن الان وللاسف نرى من الازياء الرهيبة لفتيات محجبات اشياء لا ترضي الله .. يعني لباس لا يمت للباس الشرعي بصلة وعليه حجاب!!! او حجاب يكشف جزءا من الرأس!!!
برأيي التربية هي الاساس والركيزة الاساسية لاقناع ابناءنا بما فرضه الله علينا بطرق بعيدة عن الاجبار..
ونحمد الله على نعمة الاسلام الذي كرمنا بها
تحياتي
شــــمــــس
ماشاء الله عليك اخي
بجد مقال روعة
واحنا الشباب يعجبنا الجمال جدا نمشي معاه ونعيش حياتنا
لكن لما نجي نجوز
نختار الادب والي تصون شرفنا
وشكرا
من مصر
موضوع هام جدا ويمس بناتنا فى ظل المجمتع الذى نحياه اليوم ونحن حقا فى حاجه لتوعيتهن بالزى الشرعى واهميه الحجاب طاعه لله والمحافظه على العرض والشرف وصون بنات المسلمين
اعز الله الاسلام والمسلمين ,,,,,
دمت سالما استاذ ابراهيم
الله يبارك بيك اخي العزيز على هذا المقال وان شاء الله كل من يقراه يستفاد منه
اتمنالك التوفيق وننتضر منك المزيد
وربنا روعة
الله يخليك ويكتبلك بكل كلمة اجر ويجمعنا معاك في الجنة
من مصر
السلام عليكم
دائما تاتى بكل جديد اخ ابراهيم
بجد الحجاب دا بيستر جدا واللى بتلبسوا صح بتحس انها ملكة واميرة لانها بتبقى حاسة انى محدش يقدر يشوفها خالص بجد دا نعمة كبيرة ربنا ينعم بيها على كل بنات المسلمين اجمعين وبالتوفيق
والسلام ختام
من مصر
السلام عليكم ....يقول اعداء الدين ان الاسلام اهان المراة ....لا والله ان الاسلام كرم المراة وحفظ حقوقها وكرامتها
حافظ عليها من نظر الرجال وان تكون اداة للهو واللعب .....ارادها حرة عفيفة ابية
تابي الخضوع وتابي ان تكون بضاعة معروضة للفرجة .....نقابي عزى وافتخاري ....
بارك الله فيك واسال الله ان يهدينا جميعا
امةالله *نجوى السحر*
أضف تعليقا
<<الصفحة الرئيسية
من مصر
السلام عليكم ورحمة الله وبركاته
موضوع رائع سلمت يداكى
لقد رزقنى الله باسرة متدينة ومحترمة ولم يفرض على احد راى فى موضوع الحجاب
وعندما شعرت انه من واجبى ارتدائه ارتديته وانا مقتنعة جداااااا
هناك اسر تفرض ع ابنائها ارتدائه
عليها تربيتهم وتوجيههم وترك حرية الاختيار لهم
دمت بالخير
اختك شيماء